. خرجت من المغسلة أصرخ زي المجانين، اتجمع حوليا أكتر من حد ولما دخلنا للمكان لقينا كل حاجة طبيعية، مفيش بنت، الجــ,,ـــــثه شكلها عادي جدًا ومش شبهي، وبدأ الموضوع ده يتكرر معايا كتير أوي، تقريبًا مكنتش بكشف على جــ,,ـــــثه إلا وألاقيها أنا، واسمع البنت بتضحك وبتقولي إني عملت جريمة ولازم حد يدفع التمن، فضلت عايشة في رعب لحد ما فعلًا بدأ شعري يبيض وعقلي يتوه.

. خلال أسبوع واحد كنت بكلم نفسي زي المجانين، لحد ما كنت بغسل واحدة كالعادة ودخل ياسر يطلبني من تاني، وقتها مفتكرتش غير كلمة البنت: ـ لازم حد يدفع التمن.. وأنا شايفة إن هو السبب الأكبر في كل حاجة، عشان كدا دفعته التمن غالي أوي.. المقص اللي بقطع بيه الكفن كان حامي أوي، غـ ـرزته في رقبته لدرجة إن نافورة د م خرجت منه وغـ ـرقتني، وخرجت أجري من المكان وأنا بضحك، بضحك زي المجانين.

. الأمن مسكوني ودخلوا للمكان ولقوه عامل زي المدبـ ـح، ياسر مقتـ ـول بطريقة بشعة وواحدة تانية بتتغسل جوة، سلموني للشرطة وهناك حكيت كل حاجة، من بداية سرقة الأكفان للفاحـ ـشة وقتـ ـل ياسر في النهاية، بيقولوا إني اتجننت ولازم أتسلم لمصحة نفسية، ومع ذلك النيابة قالت سليمة واتحولت للمحكمة.. أيًا كان مصيري فهو المـ ـوت في النهاية، حياتي انتهت تمامًا، والحقيقة هي انتهت من أول يوم قررت أسرق الكفن وأقبل على نفسي فلوس حرام، فيه أخطاء سهل تخرج منها وتتوب، وأخطاء تانية صعب جدًا جدًا تتحرر منها زي السرقة وأكل الحرام وحقوق الناس، لأنك حتى لو توبت منها فحق الناس لسة متعلق في رقبتك.

الأكثر قراءة الان

زواج مبكر للكاتب/ أحمد محمود شرقاويمنذ 3 أسابيعزواج غريب للكاتب/ أحمد محمود شرقاويمنذ 3 أسابيعالإنترنت المُظلم للكاتب/ أحمد محمود شرقاويمنذ 3 أسابيع

. وأنا سرقت، ولأنها جريمة صعب تعرف تتوب منها، كملت، وبدل ما اتحمل العقوبة وأقول كفاية كدا لا كملت مع ياسر وعملت الحرام في مكان المفترض هو آخر مكان ممكن حد يفكر يعمل فيه حاجة زي دي، عشان كدا غرزت أكتر لحد ما كل حاجة اتدمرت.

. لو ليا كلمة أخيرة فهقول للناس، لو بتعمل حاجة حرام توب منها بسرعة لأن هيجي وقت ومش هتعرف تتوب، ولو توبت هتتأذي وقتها ومش هتتحمل الأذى.. [وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالًا مِّنَ اللَّهِ] سورة المائدة بقلم/ أحمد محمود شرقاوي