. وفعلًا قرأت عليا ورقتني، وبعدها بدأ وشها يتغير وقالتلي أنتي محسودة حسد غير طبيعي يا بنتي، حسد قادر يمـ ـوتك، قلبي اتقبض من كلامها وسألتها إن كان الحسد ممكن يتسبب في المـ ـوت فعلًا، وأكدتلي إن دا ممكن يحصل بس هي هتلاقي حل، وخدت رقمي ومشيت، فضلت خايفة وقلقانة إنها متكلمنيش بس الست فعلًا كلمتني وسألتني عن الأعراض اللي عندي وقولتلها عن تساقط الشعر، قالتلي إنها هتكلم حد بيفهم وهترجعلي..

ورجعتلي وقالتلي على حل جذري للي أنا فيه، قالتلي آكل خصلة شعر ناعمة من بنت جميلة، مفهمتش الجملة للوهلة الأولى بس أكدت على كلامها، أشوف بنت جميلة وأخد خصلة شعر وأكلها، طيب هعمل ده ازاي ممكن بالمية عادي وأبلعها، وفضل جسمي يترعش من الفكرة، بس مع ازدياد التساقط وشكلي اللي بقا أسوء بكتير خدت واحدة صاحبتي وروحنا على كوافيرة نعرفها، طلبنا منها خصلة شعر من أي بنت بدون ما تعرف ودفعتلها فلوس، قالتلي أختار بنفسي.

. وفعلًا دخلت وراقبت كل البنات لحد ما اخترت بنت عنيها ملونة وشعرها ناعم زي الحرير، ظبطت شعر البنت وقصت منه خصلة بدون ما تاخد بالها وادتهاني، ورجعت بيا وكلمت الست قالتلي إن الليلة تبقا ليلة قمرية ويستحسن أعمل ده الليلة، وبدون تفكير كتير أو يمكن كنت زي المُغيبة جبت ازازة مية وحطيت فيها الخصلة لحد ما الشعر اتفرق فيها وبلعتها كلها مرة واحدة..

الأكثر قراءة الان

زواج مبكر للكاتب/ أحمد محمود شرقاويمنذ 3 أسابيعزواج غريب للكاتب/ أحمد محمود شرقاويمنذ 3 أسابيعالإنترنت المُظلم للكاتب/ أحمد محمود شرقاويمنذ 3 أسابيع

كانت حاجة عادية مفيش فيها مشكلة، ولا بطني وجعتني ولا حسيت بأي اشمئزاز، وبعد يومين فعلًا التساقط وقف وأموري بدأت تبقا كويسة نوعًا ما، رجعت لجوزي وبدأ يتقبلني وبدأت أتجمل عشانه من تاني، بس كلها ٢٤ ساعة وصحيت من النوم على ألم غير طبيعي في بطني، ألم بشع وكأن فيه سكاكين بتشرح في بطني من جوة، صرخت وناديت على جوزي صحي وبكل لامبالاة قالي أكلم أمي تيجي توديني المستشفى لأنه عايز ينام.

. كلمت أمي وأنا بمـ ـوت من الوجع وطلبت منها تيجي بسرعة، وروحنا على المستشفى واتعملي غسيل معدة كامل، وبعد ما انتهيت استمر الألم بصورة لا تُطاق، واضطروا يعملوا منظار للمعدة وبعدها سمعت من الدكتور كلام مرعب، قالي معدتك فيها عفونة من جوة وممكن تسمم الجسم كله، لازم استئصال للمعدة فورًا، ودخلت جراحة واتشالت المعدة، وأول ماخرجت وأنا بنوح من الألم ومش قادرة أتنفس حتى وصلتني ورقة طلاقي وجوزي أتخلى عني..

وخلال فترة الألم اللي قضتها دي رجعلي عقلي، رجعلي بعد ما اتدمرت، اتجوزت جواز سيئ جدًا لأجل المصلحة، تاجرت بجمالي اللي غالبًا بيروح وبيفضل الدين والخُلق، وقفت أعرض جسمي وشكلي قدام البنات يوم الفرح ودي عادة ممـ ـيتة وسيئة جدًا جدًا ومحرمة، البنت اللي عندها حياء استحالة تعرض جسمها قدام حد بالطريقة دي حتى لو بنت..

مشيت ورا ست مخبولة ودخلت بطني شعر إنسانة، وعرفت بعدها إن كل دي كانت مكيدة من بنات عمي، فرحوا أوي فيا لما حصلي اللي حصل، واتفقوا مع الست دي على فكرة الشعر عشان يحصلي تسمم، وعشان الشيطان يفتني أكتر شكلي بقا أحسن بعدها عشان أصدق إن الدجل ده سبب نجاة، وبعدها اتدمرت وخسرت كل حاجة..

مش عارفة ممكن أقول إيه غير إننا في الدنيا دي في رحلة قصيرة جدًا، فلما نتجوز بناخد حد يهون علينا الرحلة ويدفعنا ناحية طريق الجنة، ده السبب الرئيسي ويمكن الوحيد للجواز، إنما اتجوز حد يبعدني عن طريق الله يبقا هو والشيطان سواء وأنا أبقا اتجوزت شيطان، عشان كدا الرسول ﷺ وصى بذات الدين ووصى بصاحب الدين والخُلق وبس.. بقلم/ أحمد محمود شرقاوي