. يمكن فضلت شهر كامل بالحالة دي لحد ما قدرت أخرج من حالتي دي وأتعايش تاني، بس للأسف مقدرتش أخرج من تفكيري اللي شوفته ده، وكان لازم ألاقي أي إجابة تريح ذهني، وصدقني لو قولتلك مكنتش أتخيل إن الإجابة ممكن تجيلي بسهولة أوي كدا من صاحبي اللي كنت سهران عنده، لأني لما حكتله بدأ يحكيلي حكاية للأسف بقت بتتكرر كتير أوي في مجتمعنا وإن كانت النتيجة دايمًا بتكون كارثية.

. .................. عبير كانت زي فصيل كتير من الستات، الجواز بالنسبالها مجرد واجهة إجتماعية عشان تتحاشى نظرات الناس والمجتمع وتتقي شر كلمة "عانـ ـس" اللي المجتمع بقا بيحــ,,ـــــرق بيها أي واحدة ربنا مقدرش ليها لسة إنها تتزوج.. ومع ظروف الحياة القاسية والحالة المادية الصعبة كان لازم جوزها يخوض المغامرة ويسافر، خاصةً لما ربنا رزقه ببنت زي القمر سموها فيما بعد بحورية.

. واتفقوا زي أي زوجين، هو هيسافر وهيبعد، وهتكون دي الضريبة، بس في المقابل هيتعب شوية عشان يقدروا يتغلبوا على وحش الغلاء الفاحش اللي بقا بينهش في لحوم الناس بدون أي شفقة.. وسافر زوج عبير وفضلت هي لوحدها، بتربي حورية وشايلة مسؤولية البيت، وجوزها في خلال شهرين بس بقا مُيسر الحال معاه، وقادر يبعتلها كل شهر فلوس تكفيها وتزيد، بس عبير مقدرتش تقاوم نفسها بعد أربع شهور بس.

الأكثر قراءة الان

زواج مبكر للكاتب/ أحمد محمود شرقاويمنذ 3 أسابيعزواج غريب للكاتب/ أحمد محمود شرقاويمنذ 3 أسابيعالإنترنت المُظلم للكاتب/ أحمد محمود شرقاويمنذ 3 أسابيع

. وللأسف نقضت عهدها مع جوزها في إنها هتصبر على جوزها وبدأت مشاعر الأنثى تنهش فيها واحدة واحدة، في الأول حاولت تقاوم، بس لما بدأت تسمع لصاحبتها وبالأخص كلمة "إن العمر اللي بيروح مش هيرجع" ومع قلة الوازع الديني بدأت نوعًا ما تستسلم لأهواءها الشخصية وتقع في علاقات إلكترونية لعلها ترويها ولو بكلمات تربت على مشاعر الست اللي جواها..

وخطوة بعد خطوة بدأت المعاكسات متديهاش نفس المتعة والإثارة اللي كانت بتاخدها، وبالتالي الموضوع اتطور معاها لعلاقات ومدــ,,ـــــادثات جنـ ـسية مع كذا شخص على الإنترنت، والسوشيال ميديا زي البحر وسهل أوي تلاقي فيه غايتك المُهلكة.. ومن تنازل لتنازل، وإغراء بعد إغراء وقعت مرة واتنين وتلاتة في علاقات إلكترونية مع أكتر من شاب، بل وبررت كل ده إنها معذورة بسبب اللي هي فيه وإنها مبتعملش حاجة غلط، ويمكن بتعف نفسها عن الحرام الواقعي.

. تبرير فج خلاها تتمادى بل وربى جواها شعور بالغيظ تجاه جوزها اللي هو السبب في كل اللي هي فيه ده، وبقت بتعمل ده وكأنها بتعاقبه على جريمة تركها.. ومع الاستمرارية واتباع الخطوة بعد الخطوة وقعت في علاقة آثمة مع شاب اتعرفت عليه، وأكتر من مرة قدرت إنها تجيبه شقتها وتعمل معاه الفاحشة، وفي ليلة اتفاجئت باتصال من جوزها بيصرخ فيها وكان في قمة ثورته وطلقها..

شخص ما يعرفها صورها وهي طالعة شقة جوزها مع شخص غريب وبعت لجوزها، وعرفت وقتها إن حياتها اتدمرت، وبدأ التفكير الشيطـاني يشتغل من تاني لحظة، بتوكيل كان عامله جوزها ليها قدرت تبيع شقته وتاخد فلوسها وبنتها وتهرب من المكان كله وتسكن في منطقة تانية.. ولما نزل جوزها لقاها بايعة شقته وواخدة بنته ومش عارف يلاقيلها أثر، وبعد فترة تواصلت مع جوزها تاني وطلبت نفقات ليها ولبنتها لأنها مش هتعرف تربيها لوحدها، ولما جوزها طلب يشوف بنته رفضت، ولما طلب ياخد البنت برضه رفضت، ولما رفض إنه يديها أي فلوس ظهرت الشيطانة على حقيقتها.

. هددته إنها هتعمل الفاحشة قدام بنته الصغيرة، وإنها هتأذيها، وإنها هتطعنه في شرفه مرة واتنين وعشرة، وهتطعنه في بنته، ولما ثار عليها بدأت تبعتله صور ليها وهي عـ ـارية مع بنتها، وبتهدده تهديد علني إنها هتعمل كدا قدام البنت ومع راجل تاني، وللأسف رضخ للتهديد، وبقا بيبعت مصروف شهري ليها على حساب كاش بعد ما فشل تمامًا يوصلها.