. وفعلًا وبعد بحث لقينا اسمها، كانت جاية من ٦ شهور كاملين، حمدت ربنا إن معداش عليها سنة عشان أقدر أوصل للملف بتاعها، لأن كل سنة الملفات بتسافر، فتشت في الملفات لحد ما وصلت لملف البنت، قرأت التقرير وعرفت إنها جت في دــ,,ـــــادثة، البنت كانت حالتها صعبة أوي وماتت بعد ساعة واحدة في المكان، لكن الغريب إني لقيت جوة الملف قطنة صغيرة جواها حلق دهب.

. استغربت أوي من وجوده في ملف البنت ولقيت نفسي ببص على التوقيع، كان التوقيع باسم إسعاد، الممرضة إسعاد اللي اتطردت واتسجــ,,ـــــنت لأنهم مسكوها أكتر من مرة بتسرق المرضى، أي حد جاي في دــ,,ـــــادثة ومعاه حاجة غالية كانت بتاخدها وتحديدًا لو بنت، حلق أو خاتم أو سماعة غالية أو حتى فلوس، وقتها خمنت إنها سرقت حلق البنت وخبته في الملف لحد ما تاخده وهي مروحة لكنها اتمسكت بعدها بأيام وملحقتش تاخده.

. خدت الحلق وحطيته في جيبي واستنيت، وتاني يوم لقيت الست قدامي، ابتسمت المرة دي وقولتلها: ـ أنا انهاردة اللي مستنياكي.. لقتها ردت وقالت: ـ عارفة إنك مستنياني، جبتي الحاجة؟؟ لقتني بدون وعي بديها الحلق، ولأول مرة تبتسم الست ابتسامة هادية وتبوس على راسي ومشيت، مشيت بدون كلمة زيادة، وحسيت براحة ما بعدها راحة بعد ما الست مشيت..

الأكثر قراءة الان

زواج مبكر للكاتب/ أحمد محمود شرقاويمنذ 3 أسابيعزواج غريب للكاتب/ أحمد محمود شرقاويمنذ 3 أسابيعالإنترنت المُظلم للكاتب/ أحمد محمود شرقاويمنذ 3 أسابيع

وبعد ساعة لقيت ممرضة قسم الأرشيف جتلي وقالتلي إنها عرفت إني كنت امبارح في القسم وبدور في الملفات، وسألتني إن كنت محتاجة مساعدتها لأن البنت اللي هناك لسة جديدة ومش فاهمة أوي، قولتلها إن فيه ست مجنونة جتلي وكنت بدور على ملف بنتها اللي اسمه (حنان السيد أحمد).. معرفش ليه وقتها وش الممرضة اتغير وقالتلي إنها فاكرة الحالة دي كويس أوي لأن البنت فضلت تصرخ ساعة كاملة بصوت مُرعب قبل ما تمــ,,ـــــوت من الوجع، بس البنت دي مكنتش لوحدها كانت أمها معاها ومـ ـاتت في نفس الدــ,,ـــــادثة.

. جسمي كله اتنفض وطلبت منها تطلع ملف البنت ومنه جبنا اسم أمها، وقدرنا نجيب ملف لأمها، ولما شوفت صورتها في الملف اترعبت، كانت هي الست اللي جتلي وخدت الحلق، لكن الست دي كانت مـ ـاتت مع بنتها من ٦ شهور، مشيت من المكان وأنا حاسة إني هتجنن.. وفضلت أدور على تفسير لمدة ٣ شهور، لحد ما قابلت شيخ، وقالي إننا مش عايشين لوحدنا، ويمكن الحلق ده جه عليه د م في الدــ,,ـــــادثة، ويمكن الحلق ده له رمز عند قرين البنت، لكن اللي أنا عملته كان هو الصح، حمدت ربنا إن الموضوع عدى على خير ومشغلش بالي غير حاجة واحدة، مين يجيله قلب يسرق حد بيتألـ ـم قدامه زي إسعاد، أو الناس اللي بيسرقوا المصابين في الحوادث على الطرق، أو الناس اللي بياكلوا أموال اليتامى.

. الناس دي ازاي مبتتعظش ومبتخفش وهما شايفين المـ ـوت حوليهم، ازاي تقدر تاكل سُحت وأنت عارف إنك هتمـ ـوت، وعارف إنك بتاكل نــ,,ـــــار، وما أدراك ما النــ,,ـــــار.. [وَتَرَىٰ كَثِيرًا مِّنْهُمْ يُسَارِعُونَ فِي الْإِثْمِ وَالْعُدْوَانِ وَأَكْلِهِمُ السُّحْتَ لَبِئْسَ مَا كَانُوا يَعْمَلُونَ] سورة المائدة بقلم/ أحمد محمود شرقاوي