. في اللحظة دي أمي دخلت عليا مخضوضة وحضـ,ـنتني بخوف، فضلت أبكي في حضنها أكتر من ساعتين، كنت بتنفض زي العيل الصغير، وفين وفين لما هديت بدأت أحكي لأمي كل حاجة، وإني لسة طالع من القبر.. لقيت دموعها بتسيل بغزارة ولقتها بتبوس إيدي وبتقولي: ـ إنساها يابني لوجه الله، إنساها وحاول تشوف نور ربنا، ربنا لو نور قلبك والله مش هتعرف تحب حد غيره، ولا أنت متعرفش حكاية بنت الأمير؟

! بصتلها بحيرة لقتها كملت وقالت: ـ كان فيه عامل شغال في مسجد لوقت متأخر، ودخلت بنت الأمير تتفرج على المسجد وكشفت عن وشها وهي متعرفش إنه جوة، ولما شافها وشاف جمالها أفتتن بيها وفضل مريض أيام بحبها، ولما أمه عرفت وشافت إن استحالة البنت هترضى بيه راحتلها وهي حزينة وحكت للبنت على اللي حصل لابنها، راحت بنت الأمير قالتلها أنا موافقة أتجوزه بس المهر بتاعي إنه يقيم الليل أربعين ليلة متواصلين ويجي يتجوزني.

. ـ وراحت الأم تزف الخبر لابنها اللي كان طاير من الفرحة، صلى أول ليلة والتانية والتالتة بعدها بدأ يحس بالخجل الشديد إنه مش بيصلي لله وبيصلي عشان يتجوزها، وصحح نيته لله من يومها، وسبحان الله ربنا نور قلبه وبعد الأربعين ليلة رفض إنه يتجوزها بعد ما قلبه أتعلق بالله، وأنت يابني والله لو اتعلقت بالله مفيش حاجة في الدنيا هتهزك من مكانك..

الأكثر قراءة الان

زواج مبكر للكاتب/ أحمد محمود شرقاويمنذ 3 أسابيعزواج غريب للكاتب/ أحمد محمود شرقاويمنذ 3 أسابيعالإنترنت المُظلم للكاتب/ أحمد محمود شرقاويمنذ 3 أسابيع

في اللحظة دي بس سمعت صوت آذان الفجر، أمي بصتلي بصة رجاء، قولتلها: ـ حاضر هروح أصلي.. ودخلت المسجد، دخلت زي الطفل التايه اللي أخيرًا لقى أمه، صليت الفجر وبكيت كتير أوي أوي، ومن يومها بقيت المؤذن بتاع المسجد، بروح في الخمس صلوات آذن وأصلي جماعة مع الناس، ألتزمت بقيام الليل والاستغفار، والغريب إني بعد أسبوع واحد اتمحت تقى من ذاكرتي، بل وبدأت أخجل من نفسي إني كنت متبهدل كدا عشان حب بنت في النهاية مجرد مخلوقة من مخلوقات الله.

. ولو عايز تعرف الأعجب من كل ده، بعد سنة خطيبها اتوفـ,ـى في حـ,ـادثة وخالي اللي بقا يشوفني طول السنة في المسجد عرض عليا اتجوزها، يومها بصيت للسما وابتسمت، كنت مستغرب إن ربنا حتى كرامتي بيردهالي وبيديني الدنيا كلها بين إيديا، بصيت لخالي بابتسامة وقولت: ـ ربنا يرزقها باللي أحسن مني أنا مستحقهاش..

مشيت بعد ما اتعلمت إن قمة العبث إن قلبك يتعلق بمخلوق وتعصي ربنا عشانه، في حين إن قمة اللذة في الحب لما قلبك يتعلق بالله، لذة ركعتين قيام أو دعوة في جوف الليل أعظم كتير من لذة الحب اللي بنوهم نفسنا بيه، لازم الواحد يحصن قلبه بحب الله، ولما يحب يكون حب حلال، حب بين زوج وزوجته وبس، لو عملت كدا هتلاقي نور ربنا نزل على قلبك وغيرلك حياتك كلها.

. [اللَّهُ نُورُ السَّمَاوَاتِ وَالْأَرْضِ] سورة النور بقلم/ أحمد محمود شرقاوي