. صرخت لما حسيت إن صاحب الصوت ورايا، وقررت أخد العضم وأطلع على بيت الشيخ، ماهي فلوس في النهاية وجواز ودنيا مش قادر أشوفها ولا أتمتع بيها، بس قبل ما أخرج من المقابر سمعت صوت بكاء وأنين، كان جاي من الكفن نفسه، من العضم، كأن الأموات بيبكوا.. سبت الكفن بسرعة وأنا مرعوب وقعدت بعيد عنه مش عارف أعمل أيه، صراع رهيب في راسي، صراع أتحسم لما بصيت للسماء وعرفت إن ربنا شايفني، وإن إللي بعمله ده مصيبة عظيمة، اتصلت بالمقاول وعرفت صدفة إنهم مقبرتين بتوع جمعية خيرية، عشان كدا الملعون كان عارف إنه لما ياخد العضم محدش هيسأل عنهم.
. مساكين مـ,ـاتوا ومكنش لهم مكان يتدفـ,ـنوا فيه، ودلوقتي بننتهك حتى عضمهم، رجعت بسرعة عشان أدفنهم في نفس المقبرة وقبل ما أوصل شوفت كلب أسود ضخم واقف بيزوم عليا، كأنه بيقولي أمشي بالعضم، وبدأت استعيذ بالله مرة واتنين لحد ما مشي، ودفـ,ـنت العضم وقفلت الباب وجريت.. كلمت المقاول عشان يجي يسلمهم وأتبرأ من المصيبة دي، والحمد لله قدرت أعملها، عشان بعد أسبوع تحصل معجزة وأشوف حلم إن فيه حاجة مدفـ,ـونة جمب مقبرة وحاجة بتطلب مني أطلعها، ولما روحت لقيته سحر لأمي بالمرض، عشان كدا مكنتش بتتعالج.
. وبعد شهور لما حكيت مع حد فاهم قالي إني كنت هودي نفسي في داهية مع ساحر ملـ,ـعون، وكنت هعمل ذنب عظيم قادر يجبلي الهلاك في حياتي كلها، قالي الساحر مكنش هيديني ولا دهب ولا هيجوزني بنته كلهم كذابين، لأنه لو معاه كان سكن في بيت نضيف شوية، هو كل إللي بيملكه سحر وجن بيساعدوه لأذية الناس، والعضم ده كان هيتعمل عليه كمية أسحار تأذي عدد كبير من الناس، وكنت هتلعن في الدنيا بلـ,ـعنة الأمـ,ـوات، إنما لما اتقيت الله ربنا دلني على سبب شفاء أمي، الشغل مشي معايا بطريقة غريبة أوي وحاليًا خطبت بنت محترمة ومتدينة مش بنت ساحر.
. كل إللي فهمته من التجربة دي إن لما تجيلك فرصة حرام هتغنيك بمال أو حاجة تتمناها أهرب منها فورًا، لأنها بتكون مُزيفة، لعنة، وبلاء عظيم من ربنا، أصبر وقاوم وهتشوف بعنيك لما تستغني بالله هيرزقك ازاي، أبعد عن المال الحرام زي الرشوة وأبعد عن أي فعل حرام عشان أي إغـ,ـراء يتقدملك، لأنك بتكون وقتها على مُفترق طرق بين الجنة والنـ,ـار وأنت واختيارك.. بقلم/ أحمد محمود شرقاوي
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.