. بس الموضوع طول وفضلت ٣ شهور منتظرة ومتحملة صوت النداء الغريب اللي كل شوية كنت بسمعه، لحد ما في مرة كنا مع بعض وسمعنا صوت النداء، صوت جوزي نفسه بينادي عليا، وهو نفسه سمع الصوت واتوتر جدًا، ولما سمع بنفسه أقتنع تمامًا، وكلها أيام ونزل كلم أخوه اللي معارضش إطلاقًا إنه يشتري الشقة عشان يجوز فيها ابنه الصغير وخرجنا من الشقة لشقة تانية.

. واتفاجئت إنها شقة في منطقة شعبية وضيقة وأسوأ ألف مرة من شقتنا الأولى، واتفاجئت كمان إنها دور أرضي وإن أصوات البياعين ليل نهار جوة شقتي، غير ريحة المية السيئة جدًا اللي الستات بيدلقوها قدام بيتي ولعب الكورة والخناقات والمشاكل.. كنت عايشة في جحيم لا يُطاق، جحيم مُرعب، لحد ما قررت أروح واخد حقي بإيدي، ولما روحت حصلت مشكلة كبيرة أوي وروحت القسم، وهناك اتصلوا بجوزي واتفاجئ إني في القسم أنا وأخوه، وهناك ملقتش حل غير إني أعترف بكل حاجة.

. لما اتجوزت كلهم لاحظوا إني كارهة الجوازة كلها، وحتى أخوه لاحظ ده، أخوه اللي كان طمعان في الشقة وعاوزها بأي طريقة عشان يجوز ابنه الصغير فيها ويتجمع هو وعياله في بيت واحد، ولما لقاني مش طايقة جوزي وعدني لو ساعدته وأقنعت جوزي يبيعله الشقة هاخد ٥٠ ألف جنيه، المبلغ زغلل عنيا وبقيت بفكر ليل نهار عشان أقنعه يبيع، فاخترعت موضوع الأصوات اللي بسمعها دي.

الأكثر قراءة الان

زواج مبكر للكاتب/ أحمد محمود شرقاويمنذ 3 أسابيعزواج غريب للكاتب/ أحمد محمود شرقاويمنذ 3 أسابيعالإنترنت المُظلم للكاتب/ أحمد محمود شرقاويمنذ 3 أسابيع

. ولما لقيته مبيصدقنيش غيرت معاملتي معاه وسجلت بصوته وبقيت بخلي موبايلي يرن بصوته وهو بينادي عليا عشان يقتنع إن فيه حاجة غريبة، وأخيرًا لما أقتنع نزل لأخوه وباع الشقة بنص تمنها تقريبًا، باعها بـ٣٠٠ ألف وهي تسوى أكتر من ٦٠٠، بس لأنه يعتبر بيت عيلة فمكنش هيعرف يبيع لحد غريب وأخوه استغله وخدها بالسعر ده، وطبعًا اشترى شقة بـ ٣٠٠ في مكان متواضع وشقة سيئة جدًا جدًا.

. ومع ذلك ورغم إن أخوه كسب كتير إلا إنه رفض يديني الـ ٥٠ ألف بل وهددني إنه هيبلغ جوزي وهيطلقني منه، ولما روحتله وسمعت الكلام ده فقدت أعصابي وضــ,,ـــــربته على راسه بحجر كبير وقامت مشكلة كبيرة روحنا بسببها القسم واستدعوا جوزي اللي كان مصدوم ومش مستوعب اللي بيسمعه، وكل اللي عمله إنه طلقني.

. وبعدها خدت ٦ شهور سجــ,,ـــــن لأن الكل اتبرى مني ومحدش حتى جابلي محامي، ولما خرجت أخواتي تخلوا عني وطليقي رفض يرجعني وأخوه رفض يديني حاجة، وحاليًا بشتغل في تنضيف الشقق وبنام في مكتب الشغل في أوضة قـ ـذرة جنب الحمام لأن ماليش مكان تاني.. البنت ربنا بيخلقها وجواها كم كبير أوي من المشاعر، لما بتخرجه في الحرام وبتخلص المخزون كله وبعدين تتجوز بتكون فاضية، مفيش حاجة تقدمها لجوزها، زي مانا ما عملت وقدمت مشاعري وجسمي وكل حاجة في الحرام لخطيبي وهو لسة أجنبي عني، ولما أتخلى عني ملقتش حاجة أقدمها لجوزي.

. عشان كدا كنت دايمًا كارهاه رغم إني كنت ملكة معاه، وبسبب ده خونته وعملت فيه المسرحية دي وانتهى الموضوع في النهاية بدمار حياتي كلها، الزنـ ـا والحرام والمشاعر اللي بتخرج في الحرام كفيلة تدمر أي بنت وتخليها مسخ ماشي على الأرض، عشان كدا ربنا أمرها تحفظ نفسها ولو حتى من إنها تنظر ولو نظرة واحدة في الحرام عشان لما تتجوز تبقا زوجة مثالية.

. [وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا] سورة النور بقلم/ أحمد محمود شرقاوي